[Lo:]
Lug i ha soviu Shirts i mim Schaft
So schöni Farbä
So uni, Streife, Prints
Du weisch, i ghör di [?] kreischä
Soviu Shirts isch insane
U mä seit: "Chleider machä mönschä"
Mä cha wünschä
Mama Metro, am liebstä Retro
U Funky Magic u Janis Joplin u Charlie Chaplin
U schwarzi Chapplä
Lug Chicks wei Chegger
Coolä Spruch i schickä Letterä
So Che Guevara, dr rot Stärn glitzeret
Odr äng gschnittä, Cancellara
Gagagang gang
Sprint für ds Majot Jaune
Für ds einzigä T-Shirt wosech lohnt
Aso renn i di Stores, renn zum Schnider
U wedes dört nid fingsch, de bis bitte nid nidisch
Wächslisch di T-shis aus wärs ä Bezihig
Numä Schweiss u villech chli Erinnerig
Aso bis mau stiu, Boy, bis mau lisli
Weisch Liebi isch ds letztä Libli, ws geit

Di T-Shirt si bedruckt
U wettsch öpis druf, de steit öpis druff
U mä seit, ds muäs ja öpis heissä
Oh wed nid weisch, obs dir chasch leistä
U du würdsch di mit jedem ahlegä, zum ds ahlegä
I weiss, du wottsches mitheinäh
Ws isch los, ds isch los, T-shi-Love

När entdecksches, weisch `s isch perfekt für di
U dasses hiä nüt meh bessers git
U ds isch ds Auerschönstä i dim Viertu
Abr du gsesch dini Liebi wi dür nä Spiegu, yeah
U du seisch, dir passet so guät zämä
U du wettsch, äs hört niä uf
Äs het dir dr Ärmu inägno voremnä Zitli
Genau dini Chragäwiti
U zämä id Feriä fahrä, uf Festä, uf Fotos
U langsam vrgässä, was eim so het gfauä
Di wüästistä Äbä, di hingerlöh Fläckä
Dir bringetsä villech nüm usä bim Wäschä, du weisch
Villech hesch du di vränderet
U würdsch itz eig lieber Hemli tragä
Lug Fragä gits ei Milliardä
Abr d Antwort fingsch nid im Ladä, ws geit

Di T-Shirt si bedruckt
U wettsch öpis druf, de steit öpis druff
U mä seit, ds muäs ja öpis heissä
Oh wed nid weisch, obs dir chasch leistä
U du würdsch di mit jedem ahlegä, zum ds ahlegä
I weiss, du wottsches mitheinäh
Ws isch los, ds isch los, T-shi-Love

T-shirts si immr am umähangä
Bhautäsech bider Stangä
Längwiläsech ufem Bügu
Si aui glich, wärä au gärn angers (2x)

[Lo